2014-05-01 06:33

ჩუღურეთის რაიონის გამგებელი, დავით დაღელაშვილი, ბინათმესაკუთრეთა ამხანაგობების თავმჯდომარეებთან შეხვედრებს განაგრძობს. 

აპრილში გამგეობაში შემოსულია 98 განცხადება თანადაფინანსების პროგრამის ფარგლებში ავარიული სახლების კაპიტალური გამაგრების, სახურავების შეკეთების, შიდა წყალ-კანალიზაციის აღდგენითი სამუშაოების, სახურავების წყალსაწრეტი მილების აღდგენითი სამუშაოების, სადარბაზოს შიდა განათების მონტაჟის, ლიფტების, სადარბაზოს კარის, ეზოს ჭიშკრის, საერთო სარგებლობის აივნის და კიბეების აღდგენითი სამუშაოების დაფინანსების თხოვნით.

დღევანდელ შეხვედრაში მონაწილეობა მიიღო 76-მა ბინათმესაკუთრეთა ამხანაგობის თავმჯდომარემ, რომელთაც ჩასატარებელი სამუშაოებისათვის საჭირო დოკუმენტაცია სრულყოფილად ჰქონდათ წარმოდგენილი და შესაბამისად გამგეობიდან მიიღეს დაფინანსება. 

რაიონის ძირითად პრობლემად, როგორც დღევანდელ შეხვედრაზე ერთხელ კიდევ აღინიშნა, კვლავ რჩება ავარიული ბინები, დაზიანებული სახურავები და წყალ-კანალიზაციის ქსელები.