დაახლოებით 40 წუთის წინ ცირკის მიმდებარე ტერიტორიაზე ტრანსგენდერებს ისევ თავს დაესხნენ - ამის შესახებ საინფორმაციო სააგენტოებს ინფორმაცია ერთერთმა ტრანსგენდერმა - ზიზიმ მიაწოდა.
მისი განცხადებით, გუშინაც და დღესაც თავდამსხმელები აგრესიით გამოირჩევიან, ხოლო საპატრულო პოლიცია ასეთი ქმედებების აღსაკვეთად არაფერს აკეთებს.
ტრანსგენდერები ამბობენ, რომ გუშინდელი თავდასხმის შემდეგაც ადგილზე საპატრულო პოლიცია დაგვიანებით მივიდა.
გახშირებული თავდასხმების გამო ტრანსგენდერები აქციის გამართვას გეგმავენ. ცირკის მიმდებარედ საპატრულო პოლიციის რამდენიმე ეკიპაჟია მობილიზებული.