2014-04-30 14:05

ამერიკელი სენატორი ჯონ მაკკეინი თეთრი სახლის ადმინისტრაციას მოუწოდებს მიაწოდონ უკრაინას თავდაცვითი იარაღი და აცხადებს, რომ 2008 წელს აშშ-ს შეეძლო, საქართველოსთვის მეტი გაეკეთებინა. 

მაკკეინმა მაგალითად 2008 წლის რუსეთ–საქართველოს აგვისტოს ომი მოიყვანა და აღნიშნა, რომ ამ საკითხთან დაკავშირებით ბუშთან პრობლემები ჰქონდა, რადგან თვლიდა, რომ ამერიკას საქართველოსთვის მეტის გაკეთება შეეძლო.

„ჩვენ მეტი უნდა გაგვეკეთებინა საქართველოსთვის, მე სწორად ვთქვი მაშინ, დღეს ჩვენ ყველა ქართველები ვართ-მეთქი.

სწორედ ამის გამო მქონდა პრობლემები ბუშის ადმინისტრაციასთან,“– აცხადებს მაკკეინი.

ამერიკელი სენატორის განცხადებით, ახლა უკრაინის დახმარება აუცილებელია.