2014-04-17 22:11

ამერიკის შეერთებული შტატების სახელმწიფო მდივანმა ჯონ ქერიმ უკრაინის კრიზისის მოგვარებასთან დაკავშირებით კომენტარი კიდევ ერთხელ გააკეთა.

ქერის განცხადებით კონფლიქტის ყველა მხარემ ძალადობასა და ექსტრემიზმზე უარი უნდა თქვას:

„კონფლიქტის ყველა მხარემ უარი უნდა თქვას ძალადობასა და ექსტრემიზმზე. თუ არ იქნება პროგრესი, თუ არ იქნება მოძრაობა სწორი მიმართულებით, ჩვენ დამატებით სანქციებს შემოვიღებთ", - აღნიშნა ჯონ ქერიმ.

უკრაინა-ევროკავშირი-აშშ-რუსეთის ოთხმხრივ შეხვედრაზე ჟენევაში დღეს უკრაინაში სიტუაციის დეესკალაციის შესახებ დოკუმენტი მოიწონეს.