2014-04-17 15:15

დონეცკის რაიონში სამხედრო ოპერაციის დროს რვა დივერსანტი აღმოაჩინეს. უკრაინული მედიის ცნობით, მათ იარაღები აღმოაჩნდათ.

მოქალაქეებმა, რომელთა დახმარებითაც დივერსანტები აღმოაჩინეს, დნეპროპეტროვსკის ხელმძღვანელობას მიმართეს. უახლოეს მომავალში მათ დააჯილდოვებენ.

წყაროს ცნობით, ეს ყველაფერი დასაწყისია და მოსახლეობის უმრავლესობა მსგავსი მეთოდით „გამდიდრებას“ გეგმავს, რადგან ეს მარტივად მისაღები თანხაა და მსგავსი ქმედებები სახელმწიფოს ინტერესების წინააღმდეგ არ არის მიმართული. სამართალდამცავ ორგანოში ამ ფაქტის კომენტირებისგან თავს იკავებენ.

შეგახსენებთ, რომ რამდენიმე დღის წინ დნეპროპეტროვსკის გუბერნატორმა იგორ კოლომოისკიმ ჯილდო დაამტკიცა - 10 ათასი დოლარი ერთი რუსი დივერსანტის სანაცვლოდ.