-
2014-04-15 08:28
საპარლამენტო უმცირესობის წევრი, „ერთიანი ნაციონალური მოძრაობის“ ერთ-ერთი ლიდერი გივი თარგამაძე ვანო მერაბიშვილს დაბადების დღეს ულოცავს და წერს, რომ მეგობრის მიმართ ბინძურ ქმედებებს „ჰაკიმ ფაშას და მის ტურებს“ არ აპატიებს.
„დღეს ჩემი დიდი ხნის მეგობრისა და თანამებრძოლის, საქართველოს ცივილიზებული მომავლისთვის თავგამოდებული მებრძოლის, ქართული სახელმწიფო ინსტიტუტების ერთერთი შემქმნელისა და დამმკვიდრებლის, უბრალოდ კარგი ადამიანის, ვანო მერაბიშვილის დაბადების დღეა.
დღეიდან სამი თვის განმავლობაში ის ჩემზე უფროსი იქნება და რამე ჭკვიანურს თუ იტყვის, დავუჯერებ. მის ოჯახს, დათუნას, მიშოს და თაკოს ვუსურვებ ჯანს და მოთმინებას.
ვანოს ვუსურვებ, კარგად დაისვენოს, რაც, მე მაინც ვიცი - მრავალი წელია არ გაუკეთებია. ვიცი, რომ ჩემი სურვილის გარეშეც, ამ დროს მაქსიმალურად გამოიყენებს განვლილი გზის ანალიზისთვის და ჩვენზე მშვიდ გარემოში დაგეგმავს სამომავლო ნაბიჯებს.
მალე გათავისუფლებას არ ვუსურვებ, რადგან ასეთი სურვილი იმის ნიშანი იქნებოდა, რომ ვზივარ და ველოდები, ეს როდის მოხდება, მე კი არ ვზივარ და არ ველოდები.
ჰაკიმ-ფაშამ და მისმა ტურებმა მშვენივრად იციან, რომ მეგობრის მიმართ ბინძურ ქმედებებს არ ვაპატიებ. ფარცხალაძემ ეს პირველმა შეიგრძნო. ასე რომ, ცოტაც დაისვენე, ვანო, ცოტაც“, - წერს გივი თარგამაძე.