-
2014-04-15 08:01
კურიოზი მოხდა პრიმერა დივიზიონის მატჩის დროს, სადაც ერთმანეთს „ხეტაფე“ და „ატლეტიკო“ ხვდებოდნენ, თუმცა, სტუმართა გუნდის ფეხბურთელი დიეგო კოსტა ცივსისხლიანი აღმოჩნდა და გოლი მაინც გაიტანა.
65-ე წუთზე დანიშნული პენალტის დროს დიეგო კოსტასთვის ხელის შეშლა ერთმა გულშემატკივარმა საკმაოდ ორიგინალური ხერხით სცადა:
ის „ხეტაფეს“ კარის უკან, დამცავ ბარიერზე შემოჯდა, მანამდე სახელდახელოდ მოშიშვლებული უკანალი კი იმ მხარეს მიუშვირა, საიდანაც დიეგო კოსტა კარს გაჰყურებდა და პენალტის დასარტყმელად ემზადებოდა.
იმის მიუხედავად, რომ უკანალმოშიშვლებულ გულშემატკივარს ახლოს მდგომი ფანი გაფშეკილი შუათითითაც „მიეხმარა“, დიეგო კოსტამ თერთმეტმეტრიანი უზადოდ შეასრულა და 0:2 დააფიქსირა, რაც საბოლოო ანგარიში გამოდგა.