მცირე გაუგებრობა მოხდა კიევში შვეიცარიის პრეზიდენტისა და არსენ იაცენუკის შეხვედრის დროს.
შვეიცარიის პრეზიდენტ დიდიესთან შეხვედრის დროს დარბაზში უკრაინისა და ეუთოს დროშების გვერდით, შვეიცარიის დროშის ნაცვლად, დანიის დროშა გამოფინეს.
შეუსაბამობა, რასაკვირველია, თავიდანვე შეამჩნია შვეიცარიის პრეზიდენტმა და მასპინძელს ხელის ჩამორთმევამდე ღიმილით ანიშნა, რომ დროშა გამოსაცვლელი იყო.
საქმე ის გახლავთ, რომ შვეიცარიისა და დანიის დროშები ერთმანეთს მართლაც, ჰგავს, მაგრამ არც იმდენად, რომ პროტოკოლს ერთმანეთში არეოდა. მცირე გაუგებრობა მალევე გამოსწორდა და შეხვედრა ჩვეულებრივ რიტმში გაგრძელდა.