2014-04-06 14:14

ბოლო მოვლენები მეტყველებს იმაზე, რომ მალე გახდება ცნობილი კიდევ ერთი „ზეციური ასეულის“, დაღუპვის შესახებ, რომლებიც უკრაინის თავისუფლებისა და დემოკრატიისთვის იბრძოდნენ.

ამის შესახებ თავის ბლოგზე ჟურნალისტი ოლეგ ბუტენკო წერს:

„გუშინ ქრთამის აღების ბრალდებით დააპატიმრეს კიევის ადმინისტრაციის სარიტუალო სამსახურის დირექტორი. ეს დაპატიმრება დაემთხვა 12 ბერკუტელის დაპატიმრებას, რომლებიც ეჭვმიტანილები არიან 20 თებერვალს მომხდარ მკვლელობებში.

ჩნდება ეჭვი, რომ ეს სულაც არ ყოფილა უბრალო დამთხვევა. ადრედაც ამბობდნენ, რომ მასობრივი პროტესტის დროს, კიევის კრემატორიუმში წვავდნენ გვამებს ყოველგვარი იდენტიფიკაციის გარეშე. თავად ის ფაქტი, რომ დღემდე ვერ შეძლეს მოეძებნათ 144 დაკარგული ადამიანი, ცუდ ეჭვებს ბადებს“- წერს ბუტენკო.