2014-04-04 22:56

„როგორ შეიძლება ვენდოთ პროკურატურის დასკვნას, როცა პროკურატურა ამბობს, რომ მისი მთავარი მოწმე გაპარული იყო 18 მარტამდე, მიუხედავად იმისა, რომ პროკურატურამ მას დაცვა მიუჩინა?“ - განაცხადა პავლე კუბლაშვილმა.

„მე არ ვიცი აბსოლუტური ჭეშმარიტება, მაგრამ მინდა ვიცოდე პასუხები კითხვებზე, ვერ ვენდობით პროკურატურას, როცა „25-ე არხის“ დირექტორმა განაცხადა, რომ მას „აკაჩავებდა“ ბადაშვილი, ადამიანი, რომლის იმედიც დღევანდელ პროკურატურას აქვს“ - დაამატა მან.

საპარლამენტო უმრავლესობის წევრის, მანანა კობახიძის განცხადებების შემდეგ, რომელმაც განაცხადა, რომ პროკურატურის გახსნილობა მისასალმებელია და ასეთი რამ წინა ხელისუფლების პირობებში წარმოუდგენელი იყო, პავლე კუბლაშვილმა განაცხადა, რომ მანანა კობახიძემ ყველაფერზე ისაუბრა, ერთის გარდა: მას არ დაუსვამს კითხვა პროკურატურისთვის:

„აი, ეს არის იმის ნიშანი, რომ დღეს პროკურატურა ისევ ფარცხალაძისგან იმართება“, - განაცხადა პავლე კუბლაშვილმა. 

„მე არ მაგონდება პროკურატურის მაღალჩინოსანს ნებისმიერ გახმაურებულ საქმეზე პასუხები გაეცა დასმულ შეკითხვებზე“ - განაცხადა მანამდე, ამავე გადაცემაში მანანა კობახიძემ.

„ჟურნალისტები და არასამთავრობო ორგანიზაციები პასუხებს ითხოვდნენ, მაგრამ პროკურატურამ საქმეები ჩაფარცხა, ახლა კი პროკურატურა საჯაროდ შემოდის დისკუსიებში, რაც იმას ნიშნავს, რომ საქმეები თაროებზე აღარ შემოიდება. დარწმუნებული ვარ, რომ პროკურატურა ყველა კითხვას პასუხს გასცემს“. - დაამატა მან.