2014-04-04 20:25

ვიდრე გარდაცვლილი ზურაბ ჟვანიას ფოტოების ამტვირთველი, ვინმე ჰაკიმ ფაშას ნამდვილი ვინაობა არ იქნება გამოძიებული საპარლამენტო ოპოზიცია აპირებს, ყველა საჯარო გამოსვლისას ირაკლი ღარიბაშვილი ჰაკიმ ფაშად მოიხსენიოს-ამის შესახებ ირმა ნადირაშვილი ,,ფეისბუქზე“ წერს.

,,საპარლამენტო უმრავლესობას: კარგად დაიმახსოვრეთ, ირაკლი ღარიბაშვილს ჰაკიმ ფაშას დავუძახებთ ყოველდღე და ყველა საჯარო გამოსვლის დროს. ზუსტად იმ დრომდე, სანამ არ გამოიძიებთ, ვინ ატვირთა კადრები ჰაკიმ ფაშას სახელით. გინდათ თუ არა, მოგიწევთ ამის მოსმენა!!!!“- წერს ნადირაშვილი.

პრემიერის ჰაკიმ ფაშად მოხსენიებას დაპირისპირება მოჰყვა დღეს პარლამენტში. საპარლამენტო უმრავლესობა აპროტესტებს პრემიერის ჰაკიმ ფაშად მოხსენიებას. ეკა ბესელია კი აცხადებს, რომ საქართველოს პრემიერისთვის ამ  სახელის დაძახებას არ დაუშვებს.