ტელეკომპანია „დოჟდი“ აშშ-ის ფინანსთა სამინისტროს მონაცემებზე დაყრდნობით აქვეყნებს იმ რუსი მოხელეებისა და ბიზნესმენების სიას, რომლებიც ე.წ. ობამას შავ სიაში მოხვდნენ. ქვეყნდება ასევე საპასუხო, „პუტინის შავი სიაც“.
„ტიმჩენკო, ძმები როტენბერგები, ბანკი „როსია“ - მათ არამხოლოდ კოოპერატივი „ოზერო“, უკვე „ობამას შავი სიაც“ აერთიანებთ“, - წერს „დოჟდი“ და ასახელებს იმ პირებს, ვისაც ანგარიშები გაუყინეს და აშშ-ში შესვლა აუკრძალეს:
ევგენი ბუშმინი, ვლადიმირ ჯაბაროვი, ანდრეი ფურსენკო, ალექსი გრომოვი, სერგეი ივანოვი, ვიქტორ ივანოვი, ვლადიმირ კოჟინი, იური კოვალჩუკი, სერგეი მირონოვი, სერგეი ნარიშკინი, ვიქტორ ოზეროვი, ოლეგ პანტელეევი, არკადი როტენბერგი, ბორის როტენბერგი, ნიკოლოზ რიჟკოვი, იგორ სერგუნი, გენადი ტიმჩენკო, ალექსანდრე ტოტოონოვი, ვლადიმირ იაკუნინი, სერგეი ჟელეზნიაკი, ბანკი „როსია“.
რაც შეეხება რუსეთის მიერ საპასუხოდ შედგენილ შავ სიას, მასში შეიყვანეს:
აშშ-ის პრეზიდენტის თანაშემწე ნაციონალური უსაფრთხოების საკითხებში კეროლაინ ატკინსონი,
აშშ-ის პრეზიდენტის თანაშემწეები დენიელ პფაიფერი და ბენჯამინ როდე,
სენატის უმრავლესობის ლიდერი ჰარი რიდი,
კონგრესის წარმომადგენლობითი პალატის სპიკერი ჯონ ბეინერი და სენატორი ჯონ მაკკეინი.
