2025-07-25 15:51

მომღერალმა ნიკა ადიკაშვილმა რიგით მეორე სიმღერაზე იმუშავა.

"როგორ არა" - ასე ჰქვია სიმღერას, რომელზეც გადაღებული ვიდეო რგოლის პრემიერა მომღერლის "იუთუბ" არხზე რამდენიმე საათის წინ შედგა. 

ვიდეო რგოლში მომღერლის შვილი, ანიკა ადიკაშვილი მსახიობ სალომე ქოქუაშვილთან ერთად მონაწილეობს. 

მუსიკა თავად მომღერალს ეკუთვნის, ტექსტის ავტორი ირინა სანიკიძეა, მუსიკაზე კი ზაზა ხუბუკელაშვილმა იმუშავა. 

რაც შეეხება სიმღერის რადიო პრემიერას, იგი ტალღაზე 98,9 შედგება და რადიო "აფხაზეთის ხმის" მსმენელს შეეძლება, ექსკლუზიურად მოისმინოს.