2014-03-14 23:27

მიხეილ სააკაშვილის ბიძა თემურ ალასანია აცხადებს, რომ ის გაეროში იარაღის შეზღუდვის კუთხით მუშაობდა და როცა ამ საკითხებზე მომუშავე გაეროს მაღალჩინოსანს ვინმე იარაღის ყიდვა-გაყიდვას აბრალებს, ეს იმას ნიშნავს, რომ ორგანიზაციის იმიჯსაც აყენებს ეჭვქვეშ.

ამის შესახებ თემურ ალასანიამ „რუსთავი2“-ის გადაცემაში „პოზიცია“ განაცხადა:

„როდესაც ვმუშაობდი საგარეო საქმეთა სამინისტროში, ყოველთვის ვიყავი დაკავებული განიარაღების საკითხებით. ჟენევაში 4 წელი, გაეროში 24 წელი ვხელმძღვანელობდი უშიშროებისა და განიარაღების კომიტეტს, გაეროს განიარაღების კომისიას, შეიქმნა ჩვეულებრივი იარაღის ყიდვისა და გაყიდვის საერთაშორისო რეესტრი, მე მებარა იმ საკითხების ჯგუფი რომელიც არის ქიმიური, ბირთვული, რადიოლოგიური იარაღების აკრძალვა და მათი შემდგომი განადგურება.

ბოლო 5 წელი ვიყავი კომიტეტის თავმჯდომარე რომელსაც დავალებული ჰქონდა შეექმნა კონფლიქტის პრევენციის ფორმები, საერთო პარამეტრები და ამ კონფლიქტებიდან გამოსვლის შემდგომი მშვიდობის დამყარების ინფრასტრუქტურის ელემენტები-ეს ყველაფერი არის ის, რასაც ვაკეთებდი და ვამაყობ.

უნდა გითხრათ, რომ ჩვენი თავდადებული, პატიოსანი შრომით მივაღწიეთ ბევრი სისხლიანი კონფლიქტის თავიდან აცილებას და სადაც კონფლიქტი წარმოებდა, მისი გამანადგურებელი ძალა იყო მინიმუმამდე დაყვანილი.

ეს ყველაფერი ეწინააღმდეგება იარაღის გამყიდველის, სიკვდილის და სისხლის მსურველის იმიჯს...

როდესაც გაეროს მარალჩინოსანს აბარია იარაღის შეზღუდვა და აბარალებთ იარაღების ყიდვა-გაყიდვას, ეს ნიშნავს რომ ეჭვის ქვეშ აყენებთ იმ ორგანიზაციის კეთილსინდისიერებას და იმ საქმეს, რასაც ვემსახურებოდი... ეს აბსურდული ბრალდებაა“, - განაცხადა თემურ ალასანიამ.