თემურ ალასანია იმედოვნებს, რომ პრემიერი ირაკლი ღარიბაშვილი ისეთივე დიდი ენთუზიაზმით მოუხდის საჯაროდ ბოდიშს, როგორი ენთუზიაზმითაც ის ,,აშავებდა“ მის სახელს.
,,სარჩელი, რომელიც შემაქვს არ შემოიფარგლება პრემიერ-მინისტრით, მისგან მარტო ვთხოულობ საჯაროდ ბოდიშის მოხდას და იმედი მაქვს რომ ეყოფა მოქალაქეობრიობა და კარგი მანერების მარაგი, ამას გააკეთებს ისეთივე ენთუზიაზმით, როგორც აშავებდა ჩემს სახელს.
დანარჩენები არიან რამოდენიმე ადმიანი, რომლებმაც ეს საკითხი ძირითადი თემად გაიხადეს, სხვებთან მე ვიტოვებ ნებას რომ სასამართლოს მოვთხოვო სხვა დასჯის ფორმები,“- განაცხადა ალასანია გადაცემა ,,პოზიციაში“.
მან უპასუხა სალომე ზურაბიშვილის მიერ გავრცელებულ ინფორმაციას, იმის შესახებ,რომ საპარლამენტო არჩევნებამდე ალასანიას ბიძინა ივანიშვილთან შეხვედრა უნდოდა და ამიტომ ჩამოვიდა კიდეც საქართველოში.
,,არ მქონია ბიძინა ივანიშვილთან შეხვედრა, არც ამის სურვილი მაქვს და არც მქონია.
ჩვენი მედია აგებულია ისეთ ინფორმაციებზე, როგორიცაა ,,სალომე ზურაბიშვილმა განაცხადა“, ,,ირაკლი კაკაბაძემ თქვა“. ზურაბიშვილი ამბობს, რომ მე მინდოდა ივანიშვილის ნახვა საიდან აქვს მას ეს ინფორმაცია?- მე ვუთხარი, ჩემმა ახლობელმა უთხრა, თუ საიდან?“- ამბობს ალასანია.
