2014-03-14 22:53

,,მართალია, მე ვიყავი გორში, იყო ჩემი დაბადების დღე  როცა დაიწყო ომი,  ჩავიცვი სამხედრო ფორმა და ვიყავი გორში პირველი დღიდან ბოლო დღემდე,“- განაცხადა თემურ ალასანიამ გადაცემა ,,პოზიციაში“ საუბრისას.

ის უარყოფს გავრცელებულ ინფორმაციას, რომ რუსეთ-საქართველოს ომის დროს ის გორში რუს გენერალ ბორისოვთან ერთად დადიოდა.

,,გარდა იმისა, რომ ვუყურებდი ,,ბინოკლში“ სხვა ჯარისკაცებთან ერთად ,სხვა არაფერი შეხება რუსებთან არ მქონია.

რაღაც მორალური, ეთიკური ზღვარი უნდა არსებობდეს, მაგრამ სამწუხარო ისაა, არ მინდოდა ამ სიტყვების გამოყენება, რადგან მათ ეს სიტყვები არც ესმით, მაგათი ენა ისაა, რომ ესაა სრული ცილისწამება, სიცრუე და ტყუილი,“- აღნიშნა ალასანიამ.

მისივე თქმით, თუ გამოძიება დაინტერესდება, იმ ბრალდებებით, რომელცი სხვადასხვა პირებისა და მედიასაშუალებებით ვრცელდება მის წინაარმდეგ, ის მზად არის ჩამოვიდეს საქართველოში, რათა ამხილოს  ტყუილში ცილისმწამებლები.

,,ჩამოვალ თუ გამოძიება დაინტერესდება, ვერ მივცემ თავს საშუალებას არ ჩამოვიდე და არ ვამხილო.

 ესეთ საშუალებას ხელიდან ვერ გავუშვებ, როცა ასეთი შანსი მოცურავს შენსკენ ხელიდან ვერ გავუშვებ, დიდი სიამოვნებით ჩამოვალ და ვუპასუხებ მათ,“- აცხადებს ალასანია.