2014-03-14 21:27

ივანიშვილმა ალასანიას პირით შემომითვალა, მოეშვას არჩევნებს და არ დავიჭერო,-ამის შესახებ ზუგდიდის მაჟორიტარმა დეპუტატმა როლანდ ახალაიამ ,,რუსთავი2“-ის ეთერში განაცხადა.

როლანდ ახალაია ასევე აცხადებს, რომ ის მზად არის გამოძიებას ყველა კითხვაზე გასცეს პასუხი და აღნიშნავს, რომ ის არასოდეს შესულა კორუფციულ გარიგებაში, რასაც პროკურატურა ედავება.

,,ჩავიდნენ ზუგდიდში და თუ ერთ კაცს იპოვიან ვინც იტყვის, რომ კორუფციულ გარიგებაში მე როდესმე შევსულიყავი. მერე მელაპარაკონ... ასე რომ მოვქცეულიყავი ვერ გავბედავდი არჩევნებზე კენჭისყრას.

მე 15 ათასი ხმით მოვუგე ალასანიას, ეს იცით რა არის?

და იცით რა შემომითვალა ალასანიამ? -  ახლა გამოვედი ივანიშვილისგან, მოეშვას ამ არჩევნებს და არ დავიჭერთო. ვაძლევთ გარანტიას, რომ არ შევეხებით თუ არადა დავიჭერთო, ამის მერე რაზე უნდა ვიფიქრო, როცა წელიწადნახევარი ჩემი ოჯახი არის აკწიოკებული,“- განაცხადა როლანდ ახალაიამ.