2014-03-14 13:49

აშშ და ევროკავშირი სერიოზულ ზომებს მიმართავენ რუსეთის წინააღმდეგ თუ ყირიმში რეფერენდუმი ჩატარდება. ეს განცხადება აშშ-ს სახელმწიფო მდივანმა ჯონ კერიმ გააკეთა.

სახელმწიფო მდივანმა სენატს მიმართა და კანონმდებლებს მოსკოვის წინააღმდეგ სანქციების დაწესებისკენ მოუწოდა.

ჯონ კერიმ აღნიშნა, რომ დღეს ლონდონში რუს კოლეგას შეხვდება და კიდევ ერთხელ შეეცდება, დაარწმუნოს იგი, რომ მოსკოვმა უკან უნდა დაიხიოს, წინააღმდეგ სემთხვევაში მომავალი კვირიდან ვაშინგტონი და ევროკავშირი დამატებით სანქციებს მიმართავენ.

„თუ ვერ დავინახავთ წინგადადგმულ ნაბიჯებს, მაშინ ორშაბათს ევროკავშირში სერიოზული ზომები იქნება მიღებული. ჩვენი მთავარი მიზანია, უკრაინის სუვერენიტეტისა და ტერიტორიული მთლიანობის მხარდაჭერა, გვსურს, რომ რუსეთმა პატივი სცეს საერთაშორისო კანონმდებლობას, ეს რეფერენდუმი უკანონოა და მას არ გააჩნია არავითარი სამართლებრივი საფუძველი. მას აუცილებლად მოჰყვება საპასუხო რეაქცია“, - განაცხადა ჯონ კერიმ.