2014-03-14 02:11

უკრაინული მედიის ცნობით, რომელიც „ნოვოსტი დონბასას“ ინფორმაციას ეყრდნობა, მინიმუ, სამი ადამიანი დაიღუპა და ათეულობით დაშავდა სასტიკი ჩხუბის დროს, რომელიც ცოტა ხნის წინ დონეცკში მოხდა.

ჩხუბის დაწყებამდე დონეცკის ცენტრში პარალელურად მიმდინარე უკრაინის ერთიანობის მომხრეთა და კრემლის მხარდამჭერთა მიტინგებს მილიციის კორდონი ჰყოფდა, თუმცა, აგრესიულად განწყობილა პრორუსებმა ის გაარღვიეს და უკრაინის ერთიანობის მომხრეები დაარბიეს.

ხელჩართული ჩხუბის დროს, წინასწარი ინფორმაციით, სამი ადამიანი გარდაიცვალა, სამივე - ბასრი, მჭრელი საგნით მიყენებული ჭრილობებისგან. ათეულობით აქტივისტი ჰოსპიტალიზირებულია.

„დადასტურებულია, რომ ორი ადამიანი გარდაიცვალა. უფრო ადრე გავრცელდა ცნობა კიდევ ერთი გარდაცვლილი აქტივისტის შესახებ. ერთი მძიმე მდგომარეობაშია, ოპერაციას უტარებენ, მეორე კი - უმძიმეს მდგომარეობაში. მინიმუმ, 50 ადამიანი დაშავდა“, - წერენ უკრაინული მედიასაშუალებები და ბლოგერები, ასევე, სოციალური ქსელებით მოსარგებლე მოქალაქეები.