2021-05-21 16:58

საზოგადოებას ბოლო პერიოდში COVID-საწინააღმდეგო ვაქცინების შესახებ სულ უფრო მეტი კითხვა აწუხებს.ალერგოლოგ-იმუნოლოგი ბიძინა კულუმბეგოვი განმარტავს, რისი გაკეთება არ არის რეკომენდირებული ვაქცინაციის შემდეგ.

სამედიცინო წრეებში არ არსებობს ერთმნიშვნელოვანი პასუხი კითხვაზე, შეიძლება თუ არა ალკოჰოლის მიღება ვაქცინაციის შემდეგ. ბიძინა კულუმბეგოვი განმარტავს, რომ, შრატისგან განსხვავებით, ვაქცინასთან ალკოჰოლი რეაქციაში არ შედის.

"ალკოჰოლი ვაქცინამდე და ვაქცინის შემდგომ 2 ჭიქა შეიძლება. რაც შეეხება თრობას ეს არ შეიძლება, რადგან ძლიერი თრობის დროს იმუნიტეტი სუსტდება და ანტისხეულების გამოყოფა შემცირდება, ვაქცინაცია კი თავის მიზანს ვერ შეასრულებს,- აცხადებს იმუნოლოგი.

რაც შეეხება კვების და დიეტების საკითხს, ალერგოლოგ-იმუნოლოგის თქმით "კვებას არავითარი კავშირი არ აქვს ვაქცინაციასთან. უბრალოდ ვაქცინაციის შემდეგ, თუ მივირთვით 3 კილოგრამი მარწყვი, შესაძლოა ალერგია მომცეს. მერე გართულდება გარკვევა ეს არის ვაქცინის რეაქცია თუ უბრალოდ მარწყვის ალერგიაა, იგივე ეხება ციტრუსებსაც."

ერთ-ერთი ხშირად დასმული კითხვაა, არის თუ არა რეკომენდირებული ვაქცინაციის შემდეგ რუჯის მიღება. ბიძინა კულუმბერგოვი ამბობს,რომ "თუ მზეზე არ აქვს ალერგია ადამიანს შეიძლება. მზეც და სოლარიუმიც. თუ ადამიანი მზეზე იფოთლება ან აყრის თავი უნდა შეიკავოს,"