2014-03-13 00:40

საპარლამენტო უმცირესობის წევრი გოგა ხაჩიძე წერს, რომ 2008 წლის აგვისტოში, რუსეთ-საქართველოს ომის დროს „გაქცეულებად“ მოხსენიებულმა (მედიაში გავრცელებული, სავარაუდოდ, ყალბი სიის მიხედვით) წინა ხელისუფლების ორმა წარმომადგენელმა შსს-სგან კონკრეტული ცნობა გამოითხოვეს.

საქმე ეხება გიორგი მელაძესა და პავლე კუბლაშვილს, რომლებიც გავრცელებულ სიაში „გაქცეულებად“ არიან მოხსენიებულნი. გოგა ხაჩიძის ინფორმაციით,“მათ შსს-ს მომსახურების სააგენტოს მიმართეს და გამოითხოვეს 1997 წლიდან დღემდე, ქვეყნიდან გასვლა-შემოსვლაზე სრული ინფორმაცია.

დოკუმენტის გაცემა დაჩქარებული წესით 45 ლარი ჯდება. ზუსტად 2 საათში დოკუმენტი შეუფერხებლად გაიცა. ოფიციალური დოკუმენტი კონკრეტულად ამტკიცებს, რომ გიორგი მელაძე 3 აგვისტოს გავიდა და 9 აგვისტოს შემოვიდა, 14:19-ზე.

რაც შეეხება პავლე კუბლაშვილს, მან 2008 წელს საქართველო დატოვა 1 დეკემბერს და დაბრუნდა 6 დეკემბერს.

მაშ ასე, სიმართლე 45 ლარი ჯდება და სიმართლის გასარკვევად კონკრეტული გზა არსებობს. მივმართავ საქართველოს მთავრობის და საპარლამენტო უმრავლესობის წევრებს!

თუ თქვენ ბ-ნი პაატა დავითაიას საპარლამენტო კომისიის დასკვნას არ იცნობთ, თუ თქვენ ამდენი ხნის განმავლოვაში ვერ მოახერხეთ ოფიციალური დოკუმენტების გამოთხოვა, დაასახელეთ კონკრეტული სახელი და გვარი და მე გავაკეთებ ამას.

ერთხელ და სამუდამოდ დაგიმტკიცებთ, რომ 2008 წელს არცერთი თანამდებობის პირი ქვეყნიდან არ "გაქცეულა". გ ე ლ ო დ ე ბ ი თ !“, - წერს გოგა ხაჩიძე.