2021-02-26 16:01

"მოქალაქეების" ერთ-ერთი  ლიდერი , ვიცე-სპიკერი  ლევან იოსელიანი- “ჩვენი მოქალაქეები დაიღალნენ განუწყვეტელი დაპირისპირებით და განუწყვეტელი აქციებით“

 ლევან იოსელიანის თქმით  აქციის მონაწილეთა მოთხოვნები ლეგიტიმურია, თუმცა, "მოქალაქეები" მას არ შეუერთდებიან.  იოსელიანი აღნიშნავს, რომ ნიკა მელიას დაპატიმრების გადაწყვეტილება უპასუხისმგებლო გადაწყვეტილებაა, რამაც პროცესები კიდევ უფრო ჩიხში შეიყვანა და " რადიკალიზაციის ფონი" კიდევ გაზარდა.

იოსელიანი ფიქრობს, რომ გამოსავალი მოლაპარაკებებია და ის წინაპირობების გარეშე უნდა დაიწყოს.

"NDI-ის ბოლო კვლევაში მოქალაქეების 80 პროცენტი ამბობს, რომ პროცესმა უნდა გადაინაცვლოს პარლამენტში. ამიტომ მოლაპარაკებას არ აქვს  ალტერნატივა. საბოლოოდ ,ეს პროცესი რომ უნდა დასრულდეს  ნიკა მელიას  გათავისუფლებით და მოლაპარაკებით, ეჭვი არ მეპარება და ამაში ჩვენი საერთაშორისო პარტნიორების მოსაზრებას და პოზიციას გადამწყვეტი მნიშვნელობა აქვს. ამ აქციებში ჩვენ არ ვმონაწილეობთ, თუმცა, მათი მოთხოვნები არის ლეგიტიმური და ერთ- ერთი მოთხოვნა, რაც არის ვადამდელი არჩევნები, ამის მიმართ სოლიდარულები ვართ,"- განაცხადა იოსელიანმა.