2014-03-12 12:37

საქართველოს კულტურის პალატამ გააუქმა თბილისში დაგეგმილი სერგეი ბეზრუკოვის თეატრის გასტროლები მას შემდეგ, რაც მისი გვარი აღმოჩნდა უკრაინასთან მიმართებაში ვლადიმირ პუტინის პოლიტიკის მხარდამჭერთა სიაში, რუს ხელოვანთა ერთობლივ წერილზე.

განცხადება კულტურის პალატამ „ფეისბუქზე“ გაავრცელა:

"დღეს გავრცელებული რუსეთის სახალხო არტისტების წერილის გამო, რომელიც მხარს უჭერს რუსეთის პრეზიდენტს ვლადიმერ პუტინს, მეზობელი ქვეყნის უკრაინის ტერიტორიის ოკუპაციაში.

საქართველოს კულტურის პალატამ მიიღო გადაწყვეტილება, გაუქმდეს მაისში დაგეგმილი სერგეი ბეზრუკოვის თატრის გასტროლები თბილისში.

კიდევ ერთხელ გვინდა გამოვუცხადოთ მხარდაჭერა უკრაინას მის სუვერენიტეტს ტერიტორიულ მთლიანობას და ჩვენ მეგობარ გმირ უკრაინელ ხალხს"-ნათქვამია განცხადებაში.