2021-02-18 15:39

ახალგაზრდა გოგონა, რომელსაც 20 ივნისის აქციაზე სპეცრაზმელის ტყვიამ თვალი გამოსთხარა, ამბობს, რომ პრემიერ-მინისტრის გადადგომით გახარებული არ არის, რადგან ამის მიზეზი არ აქვს.

მაკო გომური წერს - „არც ოც ივნისზე უგია პასუხი, არც გამოძიების დაჩქარებას შეუწყო ხელი და იგივე დაზეპირებული ფრაზებით წავიდა, რომ იყო შტურმის აცილება, რომ პარლამენტი აღებას გადაარჩინა, რომ ქვეყანა მასშტაბურ გადატრიალებას მოარიდა და ა.შ.

რაც აქამდე იყო, ვიღაც ტიპი რომელიც ძალიან უნამუსო აღმოჩნდა, იგივე დარჩება ჩემთვის. მის ადგილს სხვა დაიკავებს, ვინც ხელახლა გააჟღერებს იმ „მათავარის“ სათქმელს. ასე რომ, არ ვგრძნობ არც კმაყოფილებას და არც რაიმე მაგდაგვარს”.