2021-02-18 15:20

Facebook-მა ავსტრალიელ მომხმარებლებს საკუთარი პლატფორმა დაუბლოკა.

დღეიდან ავსტრალიელებისთვის ყველა ადგილობრივი და გლობალური ახალი ამბების საიტის ფეისბუქ გვერდები, ასევე მნიშვნელოვანი სამთავრობო საიტები დაბლოკილია. კომპანია Facebook-მა ეს გადაწყვეტილება ავსტრალიაში ინიცირებული კანონის საპასუხოდ მიიღო, რომელიც ტექნოლოგიურ გიგანტებს ახალი ამბების შინაარსისთვის გარკვეული საფასურის გადახდის ვალდებულებას აკისრებს.

Facebook-ი და Google-ი ამტკიცებენ, რომ კანონი ინტერნეტის მუშაობასთან შესაბამისობაში არ არის და მათი პლატფორმების უსამართლოდ დაჯარიმებას ითვალისწინებს. ავსტრალიის ხელისუფლებამ Facebook-ის გადაწყვეტილება გააკრიტიკა.