2021-02-18 14:43

სახელმწიფო უსაფრთხოების სამსახურის (სუს) უფროსის ყოფილი მოადგილე, სოსო გოგაშვილი აცხადებს, რომ გიორგი გახარიას მიერ პრემიერმინისტრის თანამდებობიდან გადადგომა  მიუთითებს მმართველი პარტიის არაგუნდურობას. გოგაშვილის თქმით  კრიზისიდან გამოსასვლელად საჭიროა მიმდინარე წელს დაინიშნოს ვადამდელი საპარლამენტო არჩევნები.

"გაქცეულზე მიყოლება არ მიმაჩნია სწორად, მაგრამ, ამ კრიტიკულ დროს წასვლა (გაქცევა) ისევ ხაზს უსვამს არაგუნდურობას ოცნებაში.

ზოგადად კარგია, რომ ეს გადაწყვეტილება მიიღო და წავიდა, მაგრამ ზუსტად დღეს? თუმცა, პასუხი გასაცემია საზოგადოებისთვის იმ პრობლემებზე, რაც მისმა გადაწყვეტილებებმა გამოიწვია. დარჩა კიდევ ერთი ნაბიჯი საქართველოს კრიზისიდან გამოსასვლელად — 2021-ში ვადამდელი საპარლამენტო არჩვენების დანიშვნა.

ცრუ კერპების დანგრევა გრძელდება. To be continued", — დაწერა გოგაშვილმა საკუთარ ფეისბუქ გვერდზე.