პრემიერ-მინისტრობის ნებისმიერი კანდიდატი, რომელიც იქნება წარმოდგენილი პოლიტსაბჭოს მხრიდან, იქნება მხარდაჭერილი, - ამის შესახებ საპარლამენტო უმრავლესობის წევრმა ნიკოლოზ სამხარაძემ ჟურნალისტებთან განაცხადა.
როგორც მან აღნიშნა, ვადამდელი არჩევნების საკითხი შეიძლება დადგეს მხოლოდ იმ შემთხვევაში, თუ პარლამენტი ვერ აირჩევს ახალ მინისტრთა კაბინეტს, თუმცა, როგორც თავად აღნიშნავს, უმრავლესობა ერთიანია და წამოყენებულ კანდიდატს მხარდაჭერა ექნება.
„ვადამდელი არჩევნების არანაირი ნიშანი არ არსებობს, უმრავლესობა არის ერთიანი, შესაბამისად, ნებისმიერი კანდიდატი, რომელიც იქნება წარმოდგენილი პოლიტსაბჭოს მხრიდან, იქნება მხარდაჭერილი. ჯერჯერობით არავინ განიხილება, რადგან გიორგი გახარიას ეს გადაწყვეტილება იყო მოულოდნელი , აქედან გამომდინარე პოლიტსაბჭო შეიკრიბება და იქნება მსჯელობა,“ - აცხადებს სამხარაძემ.
