2021-02-12 13:40

კოკა-კოლა 100%-ით გადამუშავებადი ბოთლების გამოყენებას იწყებს. აღნიშნულის შესახებ ინფორმაციას Reuters ავრცელებს

ეს პროექტი არამარტო პლასტმასის ნარჩენების შემცირებას უზრუნველყოფს, არამედ გარემოში ნახშირბადის გამოყოფასაც შეამცირებს.

თებერვლის ბოლომდე კოკა-კოლა აშშ-ის ჩრდილო-აღმოსავლეთით, ასევე ფლორიდასა და კალიფორნიის შტატებში, უკვე ჩაუშვებს გადამუშავებად პლასტმასის პროდუქციას.

კოკა-კოლის კომპანია მსგავსი მიზეზით არაერთხელ მოქცეულა კრიტიკისა და განხილვის ეპიცენტრში.

„ჩვენ ვაცნობიერებთ ჩვენს უნიკალურ შესაძლებლობას და პასუხისმგებლობას, რათა გლობალური პლასტმასის კრიზისთან ბრძოლაში მნიშვნელოვანი ეფექტი ვიქონიოთ“ – აცხადებს Coca-Cola-ს ჩრდილოეთ ამერიკის საოპერაციო განყოფილების  ვიცე-პრეზიდენტი – ალპა სუტარია.