2021-02-10 17:06

Bloomberg-ის ინფორმაციით ამ დროისთვის მსოფლიოში კორონავირუსის საწინააღმდეგო ვაქცინაცია 138.3 მილიონზე მეტ ადამიანს ჩაუტარდა. მათ შორის, აშშ-ში 44.4 მილიონზე მეტი ადამიანი აიცრა, რაც მოსახლეობის 13.5%-ს შეადგენს. აშშ-ს ჩინეთი მოჰყვება 31.2 მილიონზე მეტი ვაქცინირებული პაციენტით, რაც მოსახლეობის 2.23%-ს შეადგენს.

ევროკავშირში კი, საერთო ჯამში ვაქცინაცია 17.7 მილიონ ადამიანს ჩაუტარდა.

გამოცემის მიხედვით, მსოფლიოში ვაქცინაცია ყოველდღიურად საშუალოდ 4.8 მილიონ ადამიანს უტარდება. . ყველაზე სწრაფი ტემპით ვაქცინაცია ისრაელში მიმდინარეობს, სადაც მთლიანი მოსახლეობის 63.8%-ი უკვე აიცრა. ისრაელის გარდა, ვაქცინაცია სწრაფი ტემპით არაბთა გაერთიანებულ საამიროებსა და გაერთიანებულ სამეფოში მიმდინარეობს, სადაც შესაბამისად, მოსახლეობის 42% და 19.7%-ს ვაქცინაცია უკვე ჩაუტარდა.