2021-02-10 15:06

ცოტა ხნის წინ ამერიკის კინოაკადემიამ 2021 წლის დაჯილდოების რვა კატეგორიაში ნომინანტთა სია გამოაქვეყნა. სამწუხაროდ,საქართველოს კანდიდატი ფილმი — “დასაწყისი“  საუკეთესო საერთაშორისო მხატვრული ფილმის ნომინაციაში და 15 რჩეულ კინოსურათს შორის ვერ მოხვდა.

ამ წელს ოსკარზე სულ 93-მა ქვეყანამ წარადგინა თავისი ნამუშევარი, თუმცა  საუკეთესო საერთაშორისო მხატვრული ფილმის ნომინაციის ფინალისტობისთვის მხოლოდ თხუთმეტი ქვეყნის  ფილმი განაგრძობს კონკურენციას.

15 ფილმიდან საბოლოოდ, ხუთი ფინალისტი შეირჩევა, რომელთა შესახებ 15 მარტს გახდება ცნობილი, როცა ყველა ნომინაციის კანდიდატი დასახელდება.

ოსკარების 93-ე დაჯილდოების ცერემონია 25 აპრილს გაიმართება.