-
2020-10-23 17:10
აშშ-ის სურსათისა და წამლის ადმინისტრაციამ კოვიდინფიცირებული პაციენტების საავადმყოფოებში სამკურნალოდ ანტივირუსული პრეპარატი „რემდესივირი” ოფიციალურად დაამტკიცა, - ამის შესახებ ინფორმაციას BBC-ი ავრცელებს.
როგორც მარეგულირებელ ორგანოში აცხადებენ, „რემდესივირზე“ ჩატარებულმა კლინიკური გამოკვლევებმა აჩვენა, რომ პრეპარატმა გამოჯანმრთელების საშუალო დრო ხუთი დღით შეამცირა.
განცხადებაში ასევე ხაზგასმულია, რომ „რემდესივირის“ გამოყენება პაციენტების სამკურნალოდ მხოლოდ საავადმყოფოში ან სამედიცინო დაწესებულებაში უნდა იყოს დაშვებული.
აშშ-ის სურსათისა და წამლის ადმინისტრაციისინფორმაციით, „რემდესივერის” დამტკიცების შესახებ გადაწყვეტილება სხვადასხვა კლინიკურ ცდებს ეფუძნება.
ორგანიზაციის მტკიცებით, ერთ-ერთმა კვლევამ აჩვენა, რომ მონაწილეთა იმ ჯგუფში, რომელსაც „რემდესივერით“ მკურნალობდნენ, გამოჯანმრთელების საშუალო დრო 10 დღე იყო, რაც 5 დღით ნაკლებია იმ პაციენტების გამოჯანმრთელების დროზე, რომლებსაც პლაცებოს გამოყენებით მკურნალობდნენ.