2020-09-17 16:20

ეროვნული ბიბლიოთეკის დირექტორი გიორგი კეკელიძე, დისტანციურ სწავლებას ეხმაურება და მისი ჯეროვნად შესრულება წარმოუდგენლად მიაჩნია. 

,,დაწყებითი კლასის მოსწავლეებთან - არაფერს ვამბობ პირველკლასელებზე - დისტანციური გაკვეთილის ჯეროვნად გამკლავება არის წარმოუდგენელი საქმე. თანაბრად იტანჯება მასწავლებელიც, მოსწავლეც და მშობელიც. თან ტანჯვა უშედეგოა ან მცირედშედეგიანი. აბსურდია ანაც თავის მოტყუება იმის მტკიცება, თითქოს ციფრული ეპოქა ისედაც იძლეოდა ამგვარი მოდელის იმპულსს - ბარემ ათი წელია, რაც მეტ-ნაკლებად გამართული ონლაინ-პლატფორმები არსებობს და არავის მოსვლია აზრად კლასიკური სისტემის ჩანაცვლება. იმედი მაქვს, მალე ვისწავლით ამ ვირუსთან ისე თანაცხოვრებას, რომ ფიზიკურადაც გადავრჩეთ და გონებაც არ დაგვიზიანდეს. თქვენი მოსწავლეებმონატრებული მასწავლებელი" - წერს გიორგი კეკელიძე სოციალურ ქსელში.