2020-05-01 22:08

საქართველოს პარლამენტში ბოლნისის მაჟორიტარი დეპუტატის გოგი მეშველიანის განხადებით, სოფელ მუშევანში მომხდარი ინციდენტის დროს დაშავებულები არ არიან.

როგორც  მეშველიანმა განაცხადა, ინცინდენტში მონაწილე ახალგაზრდები ნასვამ მდგომარეობაში იმყოფებოდნენ.

„გარკვეულ ინციდენტს ჰქონდა ადგილი, კოვიდინფიცირებული პაციენტების გაყვანის დროს ახალგაზრდები შეესწრნენ. დეტალებს ვარკვევთ“, - აცხადებს მეშველიანი.

მისივე თქმით, დაზიანებულია სოფლის რწმუნებულის მანქანა, თუმცა სასწრაფოს ექიმები და სამართალდამცველები დაშავებულები არ არიან.

ამასთან გოგი მეშველიანი აცხადებს, რომ ამ დრომდე კორონავირუსით ინფიცირებული პაციენტები სოფელში რჩებიან, თუმცა მათთან მიმდინარეობს კონსულტაციები.

„ისინი ერთი ოჯახის წევრები არიან“, -განაცხადა მეშველიანმა.

ცნობისთვის, სოფელ მუშევანში ადგილობრივი მოსახლეობა სასწრაფო დახმარების ექიმებსა და პოლიციას დაუპირისპირდა. ინციდენტი მაშინ მოხდა, როდესაც ადგილზე კორონავირუსით ინფიცირებული პაციენტების კლინიკაში გადასავანად ჯგუფი მივიდა.