2020-05-01 12:47

ჯანდაცვის მსოფლიო ორგანიზაციას უნდა რცხვენოდეს საკუთარი საქციელის, რადგან ის ჩინეთის საზოგადოებასთან ურთიერთობების სააგენტოსავით მოიქცა, - ამის შესახებ აშშ-ის პრეზიდენტმა, დონალდ ტრამპმა ყოველდღიური ბრიფინგის დროს განაცხადა.

„ჩვენი ქვეყანა მათ დაახლოებით 500 მილიონ დოლარს უხდის, ხოლო ჩინეთი 38 მილიონ დოლარს წელიწადში. ისინი ბოდიშს უნდა იხდიდნენ, როცა შეცდომას უშვებენ და მითუმეტეს, როცა მათ შეცდომას ასობით ათასი ადამიანის სიცოცხლე შეეწირა“, - აღნიშნა ტრამპმა.

ეს პირველი შემთხვევა არ არის, როდესაც შტატების პრეზიდენტმა, მსოფლიო ჯანდაცვის ორგანიზაცია მკაცრად გააკრიტიკა. მისი განკარგულებით, ვაშინგტონმა გაეროს აღნიშნულ ინსტიტუტს დაფინანსებაც შეუწყვიტა.