2020-05-01 12:32

თეთრიწყაროს მუნიციპალიტეტიდან საკარანტინო პირობებში დღეს 90 ადამიანს გადაიყვანენ, - აღნიშნულის შესახებ თეთრიწყაროს მერმა გიორგი ქორიძემ განაცხადა.

მისივე განმარტებით, მათ მხარეში ამ ეტაპისთვის კორონავირუსით დაინფიცირების 38 შემთხვევაა, დღეს კი დამატებით რამდენიმე ტესტის პასუხს ელოდებიან. მერი ვარაუდობს, რომ მონაცემები შეიცვლება.

„38 დადასტურებული შემთხვევა გვაქვს, გუშინ 18 შემთხვევა შეემატა, დღეს კიდევ რამდენიმე ტესტის პასუხს ველოდებით, ალბათ, ცოტა ხანში, მონაცემები შეგვეცვლება. 12:00 საათზე, ტურიზმის ეროვნული სააგენტოს დახმარებით, 4 დიდი ავტობუსი ჩამოვა, რომლითაც საკარანტინო პირობებში დაახლოებით, 90 ადამიანს გადავიყვანთ. ეს ადამიანები ინფიცირებულთა ახლო კონტაქტები არიან“, - განაცხადა ქორიძემ.