2020-04-29 11:23

ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარის, მაკა სოლოღაშვილის განცხადებით, კლინიკას კოვიდ 19-ის დიაგნოზის მქონე ოთხი ახალი პაციენტი დაემატა. ორი მათგანი თეთრიწყაროდან, ხოლო დედა-შვილი თბილისის ცნობილი კლასტერიდან არის.

როგორც მაკა სოლოღაშვილმა ჟურნალისტებს განუცხადა, კლინიკაში მყოფი ერთი პაციენტის მდგომარეობა მძიმეა, 11 პაციენტის კი საყურადღებო რჩება.

„ბოქსირებულ სექტორში არის 69 პაციენტი. კოვიდ 19-ის დიაგნოზის მქონე არის 59. გუშინ ერთი პაციენტი გამოჯანმრთელდა და გაეწერა. ის არის 18 წლამდე ასაკის მოზარდი. დაემატა 4 ახალი პაციენტი. კლასტერი ცნობილია. ორი გადმოყვანილია თეთრიწყაროდან, ორი კი თბილისიდან თუმცა, ცნობილი კლასტერიდან; დედა და შვილია. მათი ჯანმრთელობის მდგომარეობა დამაკმაყოფილებელია. 18 წლამდე ასაკის პირები არიან ათნი. 3 არის ასაკობრივი მაღალი რისკის ჯგუფით. ერთი პაციენტია მძიმე. 11 პაციენტი არის საყურადღებო. რაც შეეხება სასულიერო პირის მდგომაროებას, სტაბილური და დამაკმაყოფილებელია",- განაცხადა სოლოღაშვილმა.