2020-04-28 20:26

ფოთში, ლაბორატორიული კვლევის შედეგად 23 სამედიცინო პერსონალს და ორ პაციენტს კორონავირუსი არ დაუდგინდა. ორივე პაციანტი ბავშვია და ისინი ,,ცხელების კლინიკაში“ რესპირატორული სიმპტომებით გუშინ შეიყვანეს.

ადგილობრივი საზოგადოებრივი ჯანდაცვის ცენტრის ინფორმაციით, მედპერსონალის იმ ნაწილს, რომელსაც შეხება აქვს საეჭვო სიმპტომების მქონე პაციენტებთან, 14 დღეში ერთხელ „კოვიდ-19“-ზე კვლევა ჩაუტარდება.

„გუშინ ლუგარის ლაბორატორიაში 25 ადამიანის ბიოლოგიური მასალა გავაგზავნეთ. აქედან ორი ,,ცხელების კლინიკის“ პაციენტია: 11წლის მოზარდი ხობიდან და წლის და ოთხი თვის ბავშვი, ერთი ჰოსპიტალის თანამშრომელია, დანარჩენები კი სასწრაფო სამედიცინო სამსახურის. საბედნიეროდ ყველა ანალიზის პასუხი უარყოფითია. ხვალ კი, ჩვენ ველოდებით 17 პირის ანალიზის პასუხებს“, - განაცხადა საზოგადოებრივი ჯანდაცვის ცენტრის დირექტორმა, ნანა მხეიძემ.