2020-04-28 19:10

შეუძლია ახლა ვინმემ თქვას, რამდენი ხანი გაგრძელდება კორონავირუსის კრიზისი? მე არა. ჩვენი გათვლებით, ამ კრიზისში კიდევ სულ მცირე ერთი წლის მანძილზე მოგვიწევს ყოფნა, - ამის შესახებ სომხეთის პრემიერ - მინისტრმა, ნიკოლ ფაშინიანმა „ფეისბუქზე“ ონლაინ მიმართვის დროს განაცხადა.

„ჩვენ ხალხს რომ ვუთხრათ, მთელი კრიზისის მანძილზე კომუნალურები შეუძლიათ არ გადაიხადონ, იმას ნიშნავს, რომ ქვეყანა უშუქოდ დარჩება.

ეს კრიზისი არის კრიზისი, რომლის გამოც ჩვენ ყველა, მთელი ქვეყანა, მთავრობა, პოლიტიკური სპექტრი, ვიტანჯებით. ეს კრიზისი მუდმივად ახალ გამოწვევებს აჩენს და ჩვენ ამ გამოწვევებს უნდა გავუმკლავდეთ“,- დასძინა პრემიერმა.

ცნობისთვის, სომხეთში საერთო ჯამში კორონავირუსის დადასტურებულმა შემთხვევებმა 1867 შეადგინა. ვირუსს ქვეყანაში 30 ადამიანი ემსხვერპლა.