"თავისუფალი საქართველოს" ლიდერმა კახა კუკავამ "რეპორტიორის" პრესკლუბში სკანდალური დანიშვნა უწოდა "ქართული ოცნების" საარჩევნო შტაბის ხელმძღვანელად კახა კალაძის დანიშვნას.
„საქართველომ გამოიარა სამოქალაქო ომი, ჯაბა იოსელიანი, კიტოვანი, შევარდნაძე და სააკაშვილი და მე ვერ ვიხსენებ, რომ ოდესმე მინისტრი ყოფილიყო მმართველი პარტიის საარჩევნო შტაბის უფროსი. გასაგებია, რომ მინისტრები ყოველთვის ჩართულები იყვნენ საარჩევნო კამპანიაში, მაგრამ ისინი კეკლუცობდნენ და ამბობდნენ, რომ ისინი მხოლოდ არასამუშაო საათებს იყენებდნენ საარჩევნო კამპანიისთვის. საარჩევნო შტაბის ხელმძღვანელობა ნიშნავს 24-საათიან მუშაობას.
საინტერესოა, ისეთი უწყების მინისტრი, როგორიც ენერგეტიკის სამინისტროა, როგორ შეძლებს 24-საათიან რეჟიმში უხელმძღვანბელოს საარჩევნო შტაბს სამუშაო საათების შემდგომ. ეს არის წარმოუდგენლად სკანდალური დანიშვნა! იმიტომ კი არა, რომ ეს ამ დრომდე არ ხდებოდა ქვეყანაში, არამედ იმიტომ, რომ ეს, ასე დაუფარავად არასდროს კეთდებოდა", - განაცხადა კახა კუკავამ "რეპორტიორის" პრესკლუბში.