ევროპის ქვეყნებში დღემდე ფიქსირდება შემთხვევების მკვეთრი მატება და ასევე გარდაცვალებათა რაოდენობაც იზრდება, მაგრამ უნდა აღინიშნოს, რომ ინფექციის შემცირების ტემპები შენელებულია. ვიმედოვნოთ,რომ მკაცრი სოციალური დისტანციური ზომები ხელს უშლიან ვირუსის გავრცელებას.
აშშ-ის შემდეგ, იტალიას პირველი ადგილი უკავია. ამ დრომდე 21 ათასზე მეტი ადამიანია დაღუპული, მაგრამ ბოლო მონაცემებით, ინფექციის მაჩვენებელი შენელებულია.
იტალიას არ ჩამორჩება, ესპანეთში ინფექციით გადრაცვლილთა რიცხვი, სადაც 18000-ზე მეტია გარდაცვლილი. ამ დროის მონაცემებით, ესპანეთში დაახლოებით 172,000 დადასტურებული შემთხვევა ფიქსირდება, მაგრამ მონაცემები აჩვენებს, რომ ახალი შემთხვევების მაჩვენებელი იკლებს.
რაც შეეხება დიდ ბრიტანეთს, ქვეყანაში ამ დროის მონაცემებითყ 90 000-ზე მეტი დადასტურებული შემთხვევა ფიქსირდება და დაღუპუილია 12 000-ზე მეტი ადამიანი.
ესპანეთის მსგავსად, ბრიტანეთში სიკვდილიანობა თავიდან სწრაფად გაიზარდა, ამ დროისთვის კი, ზრდის ტემპი შენელებულია, მაგრამ მთავრობას ჯერ კიდევ არ მიუთითებია მოსახლეობისთვის, რომ შეზღუდვები მოხსნილია.
ამავდროულად, ავსტრიამ დაიწყო შეზღუდვების შემსუბუქება, იხსნება მცირე ზომის მაღაზიები, მაგრამ სოციალური დისტანცირების მკაცრი წესები ამ დრომდე კონტროლდება.
ავსტრია ერთ – ერთი პირველი ქვეყანა იყო ევროპაში, რომელმაც შემოიღო ზომები და ჩაკეტა საზღვრები. მთავრობა მიიჩნევს, რომ ადრეულმა გადაწყვეტილებამ შეანელა სწორედ ინფექციის მაჩვენებელი.
იგივე შეიძლება ითქვას დანიაზე, დანიაშიც საკარანტინო ზომების ადრეული გატარება მოხდა.
ჯანდაცვის მსოფლიო ორგანიზაცია (WHO) მიესალმება ევროპულ ქვეყნებში ინფექციების შენელებას, მაგრამ ქვეყნებს აფრთხილებს, რომ შეზღუდვების ადრეულ დროში მოხსნამ შესაძლოა ინფექციის ხელახალი ტალღა გამოიწვიოს.
