-
2014-03-08 20:59
ცოტა ხნის წინ რუსმა სამხედროებმა ცეცხლი გაუხსნეს უკრაინის სახელმწიფო საზღვრის დაცვის სამსახურის თვითმფრინავს არმიანსკის რაიონში. ინციდენტს მსხვერპლი არ მოჰყოლია.
მსუბუქი საპატრულო თვითმფრინავი "Diamond" საზღვრის მეთვალყურეობის რეიდს ასრულებდა, როცა მას რუსმა სამხედროებმა, სავარაუდოდ, კალაშნიკოვის ავტომატიდან გაუხსნეს ცეცხლი. თვითმფრინავი დაახლოებით ერთი კილომეტრის სიმაღლეზე მიფრინავდა.
შეგახსენებთ, რომ საზღვრის დაცვის სამსახურის ცნობით, რუსი აგრესორები იჭრებიან და ანადგურებენ სასაზღვრო საგუშაგოებს. მათ უკვე აიღეს რადიოტექნიკური საგუშაგო „სევასტოპოლი“ და მისი დემონტაჟი დაიწყეს.