2014-03-08 15:47

ამერიკელმა სენატორებi 2014 წლის მსოფლიო ჩემპიონატიდან რუსეთის ნაკრების მოკვეთას, ხოლო ამ ქვეყნისთვის 2018 წლის ჩემპიონატის მასპინძლობის უფლების ჩამორთმევას ითხოვენ.

ამის შესახებ იმ ღია წერილშია საუბარი, რომელიც “რესპუბლიკელებმა” დენ კოუტსმა და მარკ კერკმა ფიფა-ს პრეზიდენტ ზეპ ბლატერს გაუგზავნეს.

სეანტორების წერილში აღნიშნულია, რომ მათი მოთხოვნა უკრაინაში განვითარებულ მოვლენებს უკავშირდება.
“გთხოვთ, სასწრაფოდ მოიწვიოთ ფიფა-ს საგანგებო კრება, სადაც განიხილება ფიფა-ში რუსეთის წევრობის შეწყვეტის საკითხი. ასევე, ჩამოერთვას რუსეთს ფეხბურთში მსოფლიოს 2018 წლის ჩემპიონატის მასპინძლობის უფლება და მოიკვეთოს რუსეთის ნაკრები ბრაზილიაში გასამართი მსოფლიოს 2014 წლის ჩემპიონატიდან. ფიფა-ს წესდების მე-3 პუნქტის თანამხად, აკრძალულია ქვეყნის ან ადამიანების ჯგუფის ნებისმიერი სახით დისკრიმინაცია და ისჯება ორგანიზაციის წევრობის დროებით შეჩერებით ან სრული მოკვეთით. როგორც ჩვენთვის ცნობილია, იუგოსლავია უკვე დაისაჯა მსგასვი დარღვევებისთვის 1992 წლის ევროპის ჩემპიონატისა და 1994 წლის მსოფლიოს ჩემპიონატის წინ”, – ნათქვამია სენატორების განცხადებაში.