საპარლამენტო უმცირესობის წევრი, „ნაციონალური მოძრაობის“ ერთ-ერთი ლიდერი ირმა ნადირაშვილი წერს, რომ დაცვის პოლიციის ახალ უფროსს, რომელსაც ორშაბათს წარადგენენე, პრემიერმინისტრის სიმამრის ოჯახთან ნათელ-მირონი აკავშირებს.
დეპუტატი მთავრობის მეთაურს კიდევ ერთხელ მოუწოდებს, კადრები პროფესიონალიზმის და არა თავის სიმამრთან ახლობლობის ნიშნით შეარჩიოს.
ირმა ნადირაშვილი ფოტოსაც აქვეყნებს, სადაც დაცვის პოლიციის უფროსობის კანდიდატი პრემიერმინისტრის სიმამრთა ერთად, სუფრასთანაა გადაღებული:
„ორშაბათს დაცვის პოლიციის სამსახურს ახალ უფროსს წარუდგენენ, ლევან უზუნაშვილს. სამწუხაროა, რომ ღარიბაშვილი თავისას არ იშლის და აგრძელებს ნათესაური ნიშნით თანამდებობის პირების შერჩევას.
უზუნაშვილს პრემიერის სიმამრის ოჯახთან ნეთელმირონი აკავშირებს და ლექსო თამაზაშვილის უახლოესი მეგობარია.
თავის მხრივ, უზუნაშვილის და 112 ში მუშაობს; იქ, სადაც ჭიკაიძის დაცაა დასაქმებული.
მე კიდევ ერთხელ მოვუწოდებ პრემიერს, კადრები შეარჩიოს პროფესიონალიზმის და არა საკუთარ სიმამრთან ახლობლობის ნიშნით“, - წერს ირმა ნადირაშვილი.
