2014-03-07 16:08

უბედური შემთხვევა მოხდა სვანეთში, ზვავის ჩამოწოლის შედეგად ორი ტურისტი დაიღუპა.

შინაგან საქმეთა სამინისტროს ცნობით შემთხვევა გუშინ, გვიან ღამით, ლენტეხი-უშგულის მონაკვეთზე მოხდა.

გავრცელებული ინფორმაციის თანახმად, ფრანგი და გერმანელი ექსტრემალური სპორტის მოყვარული ხუთკაციანი ჯგუფის ორი წევრი ზვავის ჩამოწოლის შედეგად გარდაიცვალა. ამ დროისათვის ორი ტურისტის სამძებრო სამუშაოები მიმდინარეობს.

უბედური შემთხვევის შესახებ საგანგებო სამსახურს ინფორმაცია გადარჩენილმა ტურისტმა მიაწოდა.