2014-03-07 14:43

საქართველოს პრეზიდენტი გიორგი მარგველაშვილი რუსეთის სამხედრო ვერტმფრენის მიერ საქართველოს საჰაერო სივრცის დარღვევის ფაქტს ეხმაურება. პრეზიდენტი მსგავს ქმედებას პროვოკაციად აფასებს:

"ეს არის დარღვევა იმ საერთაშორისო ხელშეკრულებების და შეთანხმების, რომლითაც ამ ეტაპზე ჩვენ ვმუშაობთ რუსეთის ფედერაციასთან. ეს არის არა მხოლოდ ჩვენი საჰაერო სივრცის დარღვევა, არამედ ეს არის კონტროლირებადი საჰაერო სივრცის დარღვევა, რაც აგრეთვე არის მოქმედი შეთანხმებების დარღვევა. მე ამას აღვიქვამ, როგორც პროვოკაციად.

ასეთ ნაბიჯებს ჩვენ ვპასუხობთ კოორდინირებული მუშაობით, ჩვენ საერთაშორისო პარტნიორებთან ყურადღებით ვადევნებთ თვალს იმას, როგორ ვითარდება სიტუაცია რეგიონში და როგორ ვითარდება ეს სიტუაცია ჩვენს ქვეყანასთან მიმართებაში", - განაცხადა პრეზიდენტმა.