2014-03-07 13:55

ბოლნისის რაიონის დაბა კაზრეთის საბადოს გაფიცული მუშები, მთავრობის ადმინისტრაციასთან საპროტესტო აქციას მართავენ. აქციის მონაწილეები ადმინსიტრაციასთან მსვლელობით მივიდნენ და მათ თან „ქართული ოცნების“ დროშები ჰქონდათ.

აქციის მონაწილეების განცხადებით, მათ არჩევნებზე მხარდაჭერა „ქართულ ოცნებას“ გამოუცხადეს და ახლა სურთ ხელისუფლებას მათი მოთხოვნები მიაწვდინონ.

აქციის მიმდინარეობისას ინციდენტი მოხდა. გაფიცული მუშები ოპოზიციის წარმომადგენლებს დაუპირისპირდნენ. შელაპარაკება მუშებს, ჯონდი ბაღათურიასა და დიმიტრი ლორთქიფანიძეს შორის მოხდა.

აქციის მონაწილეების განცხადებით, მათ არავითარი პოლიტიკური მოთხოვნა არ აქვთ. მათ შრომითი დავა აქვთ, რაც არავითარ შემთხვევაში პოლიტიკას არ უკავშირდება.

ჯონდი ბაღათურიას აქციის მონაწილეებმა ტერიტორიის დატოვება მოსთხოვეს, თუმცა პოლიტიკოსმა უარი განაცხადა, დაპირისპირებაც სწორედ ამას მოჰყვა.