2020-04-04 20:54

„გვაქვს მედპერსონალისთვის აღჭურვილობის ორი კვირის მარაგები, რაც კარგი მაჩვენებელია. ფეხდაფეხ მივყვებით. ვცდილობთ წინმსწრებად შევქმნათ მარაგები. უნდა მოხდეს პირადი დაცვის საშუალებების რაციონალური გამოყენება. არის ქვეყნები სადაც ექიმებს ერთი ნიღაბი აქვთ. ჩვენ აქამდე არ ვართ მისული, - ამის შესახებ ჯანდაცვის მინისტრის მოადგილემ თამარ გაბუნიამ ტელეკომპანია „იმედის“ გადაცემა „ქრონიკაში“ განაცხადა.

მისი თქმით ბაზარზე არც სადეზინფექციო საშუალებების დეფიციტია. „ არის სადეზინფექციო საშუალების რეესტრი და დაავადებათა კონტროლის ცენტრის ვიზირების გარეშე ხსნარი ბაზარზე ვერ მოხვდება. სპირტის შემცველი სადეზინფექციო საშუალებების მიმართ ვირუსი მგრძნობიარეა. თუმცა ხელის დაბანა რჩება მთავარ დანიშნულებად,“- აღნიშნა გაბუნიამ.