აშშ–ის პრეზიდენტის ინციატივით, სატელეფონო საუბარი შედგა რუსეთის პრეზიდენტ ვლადიმირ პუტინთან, თუმცა, კონკრეტულ შეთანხმებას უკრაინის საკითხთან დაკავშირებით, მხარეებმა ისევ ვერ მიაღწიეს.
შეხვედრის დასრულების შემდეგ ვლადიმირ პუტინმა აღიარა, რომ აშშ–სთან კონკრეტულად ამ საკითხთან დაკავშირებით უთანხმოება არსებობს,
მისი თქმით, სახელმწიფო გადატრიალების გზით უკრაინაში მოსული ხელისუფლება ყირიმის ნახევარკუნძულისა და უკრაინის სამხრეთ–აღმოსავლეთის მოსახლეობას აბსოლუტურად არალეგიტიმურ გადაწყვეტილებებს ახვევს თავს და რუსეთი ვერ დარჩება გულგრილი მოსახლეობის მიმართვისადმი ამასთან დაკავშირებით.
ვლადიმირ პუტინმა აღნიშნა, რომ რუსეთის ქმედებები არ სცდება საერთაშორისო სამართლის ნორმებს და ლეგიტიმურია. მისივე თქმით, რუსეთისა და აშშ–ის ურთიერთობები მნიშვნელოვანი და ის არ უნდა შეეწიროს ორ ქვეყანას შორის შეუთანხმებლობას კონკრეტულ საერთაშორისო პრობლემაზე.
ორი ქვეყნის პრეზიდენტები შეთანხმდნენ, რომ სახელმწიფო მდივანი ჯონ კერი და რუსეთის საგარეო უწყების ხელმძღვანელი სერგეი ლავროვი ინტენსიურ მოლაპარაკებას გააგრძელებენ.
