2020-04-04 14:59

სამეგრელო-ზემო სვანეთის გუბერნატორის, ალექსანდრე მოწერელიას განცხადებით, თბილისში კორონავირუსი დაუდასტურდა ახალგაზრდა კაცს, რომელიც მანამდე რამდენიმე დღის განმავლობაში ზუგდიდში, წალენჯიხისა და ჩხოროწყუს მუნიციპალიტეტებში იმყოფებოდა, სადაც მეგობრებს, ნათესავებს და ადამიანების ფართო წრესთან. ყველა მისი კონტაქტი უკვე დადგენილია და ზუგდიდის მერიას ისინი თვითიზოლაციაში ჰყავს გადაყვანილი.

გამთენიისას ფოთის სამედიცინო ცენტრში საეჭვო სიმპტომებით ორი პაციენტი შეიყვანეს. მკურნალი ექიმის განცხადებით, ერთ პაციენტს ორმხრივი პნევმონია აღენიშნება, თუმცა, „ქრონიკის“ ინფორმაციით, არც ერთ მათგანს უცხოეთში მოგზაურობის ისტორია არ აქვს. ორივე პაციენტი ბოქსირებულ განყოფილებაში რჩება და დღის ბოლომდე მათ კორონავირუსზე გამოიკვლევენ.

საქართველოში კორონავირუსი 157 ადამიანს დაუდასტურდა, აქედან 28 უკვე გამოჯანმრთელდა, 1 კი გარდაიცვალა.

იმედინიუსი