2020-04-01 11:26

“ეს ნამდვილად კარგი მეთოდია და ჩვენთან ამ მიმართულებით მუშაობა დაწყებულია. არის ნაბიჯები გადადგმული და გამოჯანმრთელებული ადამიანების პლაზმის გადასხმა ნამდვილად იქნება ეფექტიანი” – ამის შესახებ თბილისის ინფექციური საავადმყოფოს ბოქსირებული განყოფილების დირექტორმა, მარინა ენდელაძემ “ტვ პირველის” ეთერში განაცხადა.

“პაციენტი რა თქმა უნდა შესწავლილი იქნება. დაწყებულია მუშაობა და მალე გვექნება გამოჯანმრთელებული ადამიანების პლაზმა მარაგში”.

ენდელაძემ ასევე აღნიშნა, რომ სისხლის გაცემაზე არცერთი პაციენტი არ იტყვის უარს.

“მე ყველა პაციენტს ვიცნობ, მით უმეტეს პირველი ეტაპისას და დარწმუნებული ვარ, იყო რაღაც საუბრები და არცერთი პაციენტი ამაზე უარს არ იტყვის, რამდენადაც ეს არ არის ისეთი რაოდენობის სისხლის აღება, რომელიც მის ჯანმრთელობას დაემუქრება. ყველა ადამიანისთვის რა თქმა უნდა სასურველია, რომ დაეხმაროს სხვა პაციენტს. რა თქმა უნდა მსუბუქ და საშუალო სიმძიმის ავადმყოფებს ეს არ დასჭირდებათ”, – განაცხადა ენდელაძემ.

შეგახსენებთ, საქართველოში კორონავირუსით ინფიცირებულთა რაოდენობა 115-მდე გაიზარდა.